काठमाडौ, १४ माघजिल्ला प्रशासन कार्यालय काठमाडौँले गायिका आस्था राउतलाई ४ दिन हिरासतमा राख्न दिएको अनुमती बदर गर्दै उनलाई धरौटीमा रिहा गरेको छ । सोमबार ४ दिन हिरासतमा राख्न प्रहरीलाई अनुमती दिएको प्रशासनले मंगलवार उनलाई धरौटीमा रिहा गर्न अर्को आदेश दिएको हो ।
मंगलबार जिल्ला प्रशासन कार्यालय काठमाडौंले ४ हजार धरौटीमा रिहा गर्न आदेश दिएपछि उनी हिरासत मुक्त भएकी छिन । महानगरीय प्रहरी परिसर काठमाडौंका प्रवक्ता डिएसपी होबिन्द्र बोगटीले प्रशासनको आदेशपछि उनलाई रिहा गरिएको बताए ।
अभद्र व्यवहार सम्बन्धी मुद्दा खेपिरहेकी आस्था राउतलाई ४ दिन हिसासतमा राख्ने आदेश हिजो मात्रै जिल्ला प्रशासन कार्यालयले दिएको थियो । तर, जिल्ला प्रशासन कार्यालयको त्यो आदेशको व्यापक आलोचना र विरोध भएको थियो । सत्तारुढ दल नेकपाका नेताकार्यकर्ताहरुले नै सरकारलाई बदनाम गराउन अनावश्यक ठाउँमा प्रहरीले हात हालेको आरोप लगाउदै सामाजिक संजालमै असन्तुष्टि व्यक्त गरेका थिए ।
गृहमन्त्री रामबहादुर थापा बादल समेत गायिका राउतलाई हिरासतमा राख्ने आदेशबाट असन्तुष्ट रहेका र उनको निर्देशनपछि राउत रिहा भएकी उनी निकट श्रोतले भक्तपुर पोस्टलाई जानकारी गराएको छ ।
त्रिभुवन अन्तराष्ट्रिय विमानस्थलको आन्तरिक टर्मिनलमा सुरक्षा जाँचको क्रममा प्रहरी जवान रमिता श्रेष्ठ र आस्थाबीच विवाद भएपछि जवान श्रेष्ठले अभद्र व्यवहारमा उजुरी दिएकी थिइन् ।
याे पनि
युवा पप गायिका आस्था अप्ठ्यारोमा : रुदै भनिन्, ‘मरिजाने चोलामा झुटो बोल्दिन’