२५ माघ २०७६काठमाडौँ । कुशल मल्लले एकदिवसीय क्रिकेटमा सबैभन्दा कम उमेरमा अर्धशतक बनाउने विश्व कीर्तिमान बनाएका छन्। उनले १५ वर्ष ३४० दिनमा अर्धशतक प्रहार गर्दै यसअघिको रोहितकुमार पौडेलको रेकर्डसमेत तोडेका हुन्।
आईसीसी विश्व क्रिकेट लिग–२ अन्तर्गतको त्रिकोणात्मक शृंखलामा शनिबार अमेरिकाविरुद्ध कुशलले अर्धशतक प्रहार गरी विश्व रेकर्ड बनाएको नेपाल क्रिकेट संघ (क्यान)ले जनाएको छ। उनले ५१ बलको सामना गर्दै ३ छक्का र ४ चौका प्रहार गर्दै ५० रन पूरा गरेका हुन्।
उनलाई शनिबार रोहित पौडेलको स्थानमा खेलाइएको थियो। रोहितले एक वर्षअघि दुबईमा यूएईविरुद्ध सबैभन्दा कम उमेरमा अर्धशतक बनाएको कीर्तिमानलाई कुशलले उछिनेका हुन्।
कुशलले ५१ बलको इनिङ्समा ४ चौका र ३ छक्का प्रहार गरे। उनले विनोदसँग छैटौं विकेटमा ८४ रनको महत्वपूर्ण साझेदारी गरी नेपाललाई खेलमा फर्काएका थिए।
कुशलले यसअघि राष्ट्रिय टिमबाट अन्तर्राष्ट्रिय टी–२० मा जिम्बावेविरुद्धको खेलबाट डेब्यू गरेका थिए। उनले सेप्टेम्बर २०१९ मा सिङ्गापुरमा भएको त्रिकोणात्मक टी–२० सिरिज अन्तर्गत जिम्बावेविरुद्ध ब्याटिङ गरेका थिए। उक्त खेलमा उनले ६ बलमा २ रन बनाएका थिए।
A fighting knock on ODI debut from Nepal's 15-year-old Kushal Malla!
After a shaky start, he steadied the proceedings with Binod Bhandari before Karima Gore had him dismissed for 50.
Follow #CWCL2 live: https://t.co/SqyWqjiEjR#RoadToCWC23 pic.twitter.com/Tnld7KB868
— ICC (@ICC) February 8, 2020
यसअघि रोहितले १६ वर्ष १४६ दिनमा अर्धशतक बनाउँदै एकदिवसीय क्रिकेटमा सबैभन्दा कान्छा उमेरमा अर्धशतक बनाउने विश्व कीर्तिमान बनाएका थिए। उनले यूएईविरुद्धको एकदिवसीय खेलमा ५५ रन बनाएका थिए।
