१७ चैत २०७६भक्तपुर । गठ्ठाघरको हनुमन्ते करिडोर किनारमा एक जनाको शव फेला परेको छ । विभत्स अवस्थामा उक्त शव फेला परेकाे हाे ।
ठिमी चार दोबाटोबाट गठ्ठाघर फलामे पुलमा निस्कने हनुमन्ते करिडोरमा भेटिएको उक्त शव महिला वा पुरुष छुट्टिने अवस्थामा समेत छैन।
स्थानीयले प्रहरीलाई खबर गरेपछि प्रहरी घटनास्थलमा आइपुगेको छ। भक्तपुर प्रहरी प्रमुख सविन प्रधानले घटनास्थलमा प्रहरी पुगिसकेकाले अनुसन्धान सुरु भइसकेको बताए। घटनास्थलमा सुरुवालको आधारमा हेर्दा महिलाको शव हुनसक्ने अनुमान गरीएकाे छ।
अपडेट : एसपी प्रधानले भक्तपुर पोस्टलाई दिएको जानकारी अनुसार उक्त शव महिलाको रहेको छ । शव धेरै दिनको भएको र लुछिएको अवस्थामा रहेकोले उमेर र जात अनुमान गर्न सकिने अवस्था नरहेको उनले बताए । पोस्टमार्टमका लागि महाराजगंज स्थित त्रिवि शिक्षण अस्पतालमा यतिबेला शवलाई पुर्याइएको छ । पोस्टमार्टम रिपोर्ट आएपछि यसको गहन अनुसन्धान हुने उनको भनाइ छ ।