भक्तपुर, ५ भदौं
भक्तपुर, ५ भदौं पछिल्लो २४ घन्टामा काठमाडौं उपत्यकामा १८२ जना कोरोना संक्रमित थपिएका छन् । जसमध्ये १५ संक्रमित भक्तपुरका हुन् ।
भक्तपुरमा १५,ललितपुरमा २५ र काठमाडौंमा १४२ गरी पछिल्लो २४ घन्टामा काठमाडौं उपत्यकामा १८२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।
उपत्यकामा १८२ संगै पछिल्लो २४ घन्टामा देशभर ८३८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार हालसम्म संक्रमित हुनेको संख्या ३० हजार ४८३ जना पुगेको छ । त्यसमध्ये १८ हजार २१४ उपचारपछि निको भएका छन्।
पछिल्लो २४ घन्टामा नेपालमा एक महिला सहित ११ जना कोरोना संक्रमितको ज्यान गएको बताइएको छ। हालसम्म संक्रमणका कारण
१३१ जना कोरोना संक्रमितको मृत्यु भएको सरकारी तथ्यांक छ।
