विराटनगर, १८ असोज पछिल्लो समय यौन अपराधका घटना बढ्दोक्रममा देखिएका छन् । यसैबीच बिराटनगरमा एक पाँच वर्षिया बालिका याैन अपराधीको शिकार बनेकी छन् ।
विराटनगर महानगरपालिका १६ मा २१ वर्षीय साह थर भएका एक युवकले बालिकामाथि यौन अपराध गरेका छन् । उनले ट्युसन पढाउने क्रममा नर्सरीमा पढ्ने बालिकामाथि यौन दुर्व्यवहार गरेका हुन् । गत बैशाखदेखि ट्युसन पढाइरहेका उनले शनिबार ट्युसन पढ्दै गरेकी ५ वर्षीया बालिकामाथि यौन अपराध गरेको आरोप लागेको हाे ।
पिडित परिवारले शिक्षक भनिएका साहले बलात्कार गरेको अभियोग लगाउदै प्रहरीमा उजुरी दिएका छन् । त्यहाँ पढ्न आएका अन्य बालबालिकाले त्यो घटना देखेपछि परिवारमा भनेका र घटनाको पोल खुलेको बताइएकाे छ । विराटनगरकाे रानीस्थित इलाका प्रहरी कार्यालयका अनुसार बालिकालाई विराटनगरस्थित कोशी अस्पतालमा उपचारका लागि पुर्याइएको छ भने साह पक्राउ परेका छन् । घटनाको थप अनुसन्धान भैरहेको प्रहरीको भनाइ छ ।
