भक्तपुर अस्पतालमा कोभिड-१९ विरुद्धको खोप लगाउने कार्यको शुरुवात भएको छ । बुधबार अस्पतालका मेडिकल स्टाफले खोप लगाएपछि भक्तपुरमा पनि कोभिड-१९ विरुद्धको खोप लगाउने कार्य शुरु भएको हो ।                                                                                                           अस्पतालकी  मेडिकल सुपरिटेण्डेण्ट डाक्टर सुमित्रा गौतमले खोप लगाइ खोपको शुरूवात गरेकी हुन् । उनी संगै डाक्टर सुनिल ढुंगेल,डाक्टर कन्चन दाहाल,डाक्टर सुरज धौभडेल नर्सिङ इन्चार्ज रोसनी श्रेष्ठ लगायतले खोप लगाएका छन् ।                                                                                     भारत सरकारबाट प्राप्त खोप नेपाल सरकारले सफाइ र स्वास्थ्य कर्मचारी लाई पहिलो प्राथमिकतामा उपलब्ध गराएसंगै भक्तपुर अस्पतालले खोप प्राप्त गरेको हो । खोपको असरबारे अनेक नकारात्मक हल्ला चलेपनि भक्तपुर अस्पतालमा यसको सफल शुरूवात भएको मेसु डा गौतमले जनाएकी छन् ।                                                                                                 मेसु डा गौतमका अनुसार भक्तपुर अस्पतालका सबै स्टाफलाई कोभिड १९ विरुद्धको खोप उपलब्ध छ । उनले खोप उपलब्ध गराएवापत नेपाल सरकरलाई  धन्यवाद ब्यक्त गरेकी छन् । कोभिड बिरुद्ध अग्र मोर्चामा रहेको भक्तपुर अस्पताललाई प्राथमिकता दिएर खोप उपलब्ध गराएको भन्दै उनले संतोष ब्यक्त गरेकी हुन् ।