भक्तपुर, १८ माघसुनौलो कछुवा सहित पक्राउ परेका धावा लामा र राज कुमार घिसिङलाई छुटाइदिने भन्दै रकम ठगी गरेको आरोपमा २ जना पक्राउ परेका छन् ।
पक्राउ पर्नेमा सिन्धुलीको सुनकोशी गाउँपालिका-४ भोलेनी घर भै हाल सूर्यविनायक-६ सूर्यविनायक बस्ने बर्ष ३३ को बीर बहादुर तामाङ र रामेछापको सुनापती -७ घर भई हाल सूर्यविनायक नै बस्ने बर्ष २७ को ग्याल्छेन लामा रहेका महानगरीय प्रहरी परिसर भक्तपुरका डिएसपी दिपक गिरीले जानकारी दिए ।
उनीहरुले नगद रु २ लाख १० हजार लिएर सुनौलो कछुवा सहित पक्राउ परेका धावा लामा र राज कुमार घिसिङलाई छुटाइदिने आस्वासन दिएका बताइएको छ । थुना मुक्त पनि नगरेको र पैसा फिर्ता नगरी ठगी गरी सम्पर्क बिहिन भएको भन्ने आफन्तको उजुरीको आधारमा अभियुक्तहरु पक्राउ परेका प्रहरीको भनाइ छ । महानगरीय प्रहरी वृत्त जगातीबाट खटिएको टोलीले पक्राउ गरी आइतवार जिल्ला अदालतबाट ठगी कसुरमा ५ दिनकोम्याद लिई थप अनसुन्धान भईरहेको डिएसपी गिरीले जनाएका छन् ।
शुक्रवार सूर्यविनायक- ६ गणेश मन्दिर नजिकबाट बिशेष सूचनाको आघारमा सुनौलो कछुवा सहित पक्राउ परेका धावा लामा र राज कुमार घिसिङलाई भने थप अनुसन्धानका लागि सानोठिमीस्थित डिभिजन बन कार्यालयमा पठाइएको बताइएको छ ।