काठमाडौं, १४ चैतचाँगुनारायण नगरपालिका वडा नम्वर ५ का वडा अध्यक्ष जयन्द्र खड्काले छालिङका एक युवकलाई मरणासन्न हुने गरी कुटपिट गरेका छन् ।
चाँगुनारायण नगरपालिका वडा नम्वर ५ पिखेलमा रक्सिको नशामा वडा अध्यक्ष जयन्द्र खड्का र उनी सँगै रहेका पूर्व सैनिक समेत रहेका विश्व खड्का र प्रकास लामिछानेले स्थानीय लक्ष्मण खिचाजुलाई मरणासन्न हुने गरी कुटपिट गरेको एक स्थानीयले जानकारी गराएका हुन् ।
३२ बर्षको खिचाजुलाई सामान्य विवादमा उनीहरुले कुटपिट गरेको बताइएको छ । हार्डवेयर व्यवसायी समेत रहेका खिचाजुलाई उनको घर अगाडी पसलमा पार्किङ्ग गरि राखेको गाडी हटाउन भन्दै कुटिपट गरेको घाइतेका दाजु राम खिचाजुले बताए ।
घाइतेको भक्तपुर अस्पतालमा उपचार भई रहेको छ । उनको टाउको मुख लगायत शरीरका विभिन्न भागमा घाउ चोटपटक रहेको छ ।
केही हप्ता अगाडी पनि वडाध्यक्षले स्थानीयलाई कुटपिट गरेका थिए । प्रहरीमा मिलापत्र गरेका उनले शनिवार फेरि अर्का स्थानीयलाई कुटपिट गरेपछि स्थानीय बासिन्दा जनप्रतिनिधि बाटै असुरक्षित भएका छन् ।
गल्ति नै भएपनि आक्रमणमा उत्रन जनप्रतिनिधिका लागि सुहाउने विषय होइन । प्रहरी संग समन्वय गर्नुको साटो वडाध्यक्ष गुन्दागर्दिमा उत्रनुले समाजमा सकारात्मक प्रभाव नहुने भएपनि प्रहरीले भने खड्कालाई सधै उन्मुक्ति दिंदै आएको स्थानीयको गुनासो छ ।
