भक्तपुरपोस्ट संवाददाता भक्तपुर, १६ चैत
भक्तपुर, १६ चैतनेपाल कम्युनिष्ट पार्टी (माओवादी केन्द्र) को बागमती प्रदेश सभा संसदीय दलको सचेतकमा भक्तपुरकी सांसद प्रतिमा श्रेष्ठ चयन भएकी छन् । बागमती प्रदेश सभा संसदीय दलको बैठकबाट सांसद श्रेष्ठ दलको सचेतक चयन भएकी हुन् ।
उनी दलको सचेतकमा सर्वसम्मत चयन भएकी निवर्तमान सामाजिक विकाश मन्त्री एवं प्रदेश सांसद युवराज दुलालले जानकारी दिए । सांसद दुलालका अनुसार प्रमुख सचेतकमा भने बुद्धिमान माझी चयन भएका छन् ।
त्यसैगरी बैठकले दलका नेता एवं उपनेता पनि चयन गरेको छ । दलको नेतामा निवर्तमान आन्तरिक मामला मन्त्री एवं सांसद शालिकराम जमरकट्टेल चयन भएका छन् । मजदूर नेता समेत रहेका धादिङ्गबाट निर्वाचित जमरकट्टेलको घर भक्तपुरको थिमिमा पनि रहेको छ । उपनेतामा भने कुमारी मोक्तान चयन भएकी बताइएको छ ।