भक्तपुरको सल्लाघारीस्थित सैनिक आवासीय महाविद्यालयका सेना प्रमुखको बढुवा भएको छ । विद्यालयका सम्पर्क अधिकृत रहेका नेपाली सेनाका प्रमुख सेनानी अनुप शाहको बढुवा भएको हो ।

नेपाली सेनाका प्रमुख सेनानी अनुप शाह महासेनानी (कर्णेल) मा बढुवा भएका हुन् । आफ्नो सम्पर्क अधिकृतको बढुवा भएपछि महाविद्यालयले एक कार्यक्रमका बीच उनलाई बधाई ज्ञापन समेत गरेको छ ।

नेपाली सेनामा महासेनानी उच्च पद मानिन्छ । महासेनानी गणको प्रमुख रहने व्यवस्था छ । महासेनानी पछि सहायक रथी,उप रथी र रथी हुँदै प्रधानसेनापति हुने नेपाली सेनामा पदीय व्यवस्था गरिएको छ ।

सल्लाघारीस्थित सैनिक आवासीय महाविद्यालयमा नेपाली सेनाले सम्पर्क अधिकृत खटाउने र उनी प्रशासन प्रमुख रहने प्रचलन रही आएको छ । विद्यालयमा शैक्षिक प्रमुखको रुपमा भने प्रधानाध्यापक दलप्रसाद पुन रहेका छन् ।