भक्तपुर, २४ असार भक्तपुरको मध्यपुर थिमी ४ चारदोबाटो स्थित साझा पेट्रोल पम्प अगाडी अरनिको राजमार्गमा दुर्घटनामा परेका मोटरसाइकल चालकको ज्यान गएको छ । दुर्घटना आज बिहीवार साँझ करिब साढे ६ बजे भएको हो ।
ज्यान गुमाउने व्यक्ति बा ९३ प ९६५२ नं. मोटरसाईकलका चालक भएका प्रहरीको भनाइ छ । डिएसपी दिपक गिरीले दिएको जानकारी अनुसार उनी जिल्ला संखुवासभा चैनपुर घर भई हाल जिल्ला सिन्धुपाल्चोक बाह्रबिसे बस्ने बर्ष ४३ को प्रकाश भट्टराई हुन् ।
काठमाडौंबाट भक्तपुर तर्फ आउदै गर्दा आफै अनियन्त्रित भई सडकको बाँया पट्टिको रेलिङमा ठक्कर खाई मोटरसाईकल चालक लाई गम्भीर घाईते भएको अवस्थामा उद्धार गरी प्रहरीले मध्यपुर अस्पताल पुर्याएको थियो । घाईतेको उपचारकै क्रममा साँझ करिब ७ बजेको समयमा ज्यान गएको सम्बन्धित चिकित्सकलाई उद्घित गर्दै प्रहरीले जनाएको छ । घटना सम्बन्धमा थप अनुसन्धान कार्य भईरहेको महानगरीय प्रहरी परिसर भक्तपुरले जनाएको छ ।