भक्तपुरपोष्ट संवाददाता७ साउन २०७८
७ साउन २०७८नेपाल आयल निगमले एनसीएचएलको प्रणालीमार्फत भुक्तानी संकलन गर्ने व्यवस्था भएको साप (SAP) प्रणाली सञ्चालनमा ल्याएको छ । अब निगमका डिलर तथा अरु साझेदारहरुले अनलाइनबाट भूक्तानी गर्न सक्ने भएका छन् ।
योसँगै कनेक्ट आईपीएस (वेब, मोबाइल एप तथा गेटवे) बाट निगमलाई अनलाइन भुक्तानी गर्न सकिने भएको हो । अनलाइन भूक्तानीको सेवा औपचारिक रुपमा सुरु भएको ४ दिनमै ३.९७ अर्ब रुपैयाँ रकम संकलन भएको निमगले जनाएको छ ।
विश्वमा निकै प्रचलनमा रहेको साप प्रणालीलाई नेपालमा सञ्चालन गर्ने निगम पहिलो सरकारी निकाय बनेको छ । यो प्रणालीमा डिलरहरु मार्फतको संकलन पनि एनसीएचएलको प्रणालीमार्फत अनलाइन माध्यमबाटै गर्न सकिने छ ।
निगमले अरु भूक्तानी पनि अनलाइनमार्फत गर्ने योजना बनाएको छ ।