चाँगुनारायण, १३ कात्तिक २०७८भक्तपुरको चाँगुनारायण ९ ताथलीमा रक्तदान कार्यक्रम सम्पन्न भएको छ । ताथली पार्टी भेन्यु, लायन्स क्लब क्लब भक्तपुर अरनिको तथा महानगरीय प्रहरी प्रभाग सुडालको संयुक्त आयोजनामा रक्तदान कार्यक्रम शनिवार सम्पन्न भएको हो।
‘रक्तदान नै जीवन दान’ भन्ने भावनाले बढ्दाे रक्त अभावलाई मध्य नजर गर्दै रक्तदान कार्यक्रम सम्पन्न गरिएको कार्यक्रम संयोजक समेत रहेका चाँगुनारायण उद्योग बाणिज्य संघका सदस्य एवं युवा समाजसेवी दिल कुमार बालाले जानकारी दिए ।
कार्यक्रममा सहभागी लायन्स क्लब अफ भक्तपुर अरनिकोका अध्यक्ष विष्णुभक्त प्रजापतिले रक्तदान बाट प्राप्त रगतले धेरै मानिसको जीवन बचाउन सकिने बताए । नेपाल पत्रकार महासंघ भक्तपुरका सदस्य समेत रहेका पत्रकार हरिसुन्दर छुकांले रक्तदान सबैभन्दा ठुलो दान भएको भन्दै रक्तदान गर्ने बातावरण बनाएदिएको प्रति आयोजकलाई धन्यवाद दिएका थिए ।
त्यसैगरी युवा राजनीतिकर्मी एवं समाजसेवी बिनोद लामिछानेले यस्ता कार्यक्रमले युवालाई समाजसंग जोड्ने र सेवाभावको बिकास गर्ने बताए । रक्तदानमा श्रीकृष्ण खड्का, मदन श्रेष्ठ,जग्गन्नाथ खत्री,लक्ष्मण दुलाल, दिपेश लामिछाने लगायतको समेत सहगिता रहेको थियो ।
कार्यक्रममा ३७ जनाले रक्तदान गरेका आयोजकले जनाएको छ । अधिकांस रक्तदाताहरु स्थानीय युवा,विद्यार्थी र व्यवसायी रहेका थिए । उक्त अवसरमा महानगरीय प्रहरी प्रभाग सुडालका सई किशोरध्वज कार्कीको नेतृत्वमा रहेको प्रहरी टोलीले समेत रक्तदान गरेको थियो ।