सत्ता साझेदार दल नेपाल कम्युनिष्ट पार्टी (माओवादी केन्द्र) ले भक्तपुरको चाँगुनारायण नगरपालिकामा नयाँ नेतृत्व निर्वाचित गरेको छ । शनिबार सम्पन्न प्रथम अधिवेशनबाट नयाँ नेतृत्व निर्वाचित भएको हो । चानपा-२ दुवाकोटका युवा नेता नरेश खड्काको अध्यक्षतामा ६५ सदस्यीय चाँँगुनारायण नगर समिति निर्विरोध निर्वाचित भएको निर्वाचन समितिका सदस्य जगन्नाथ डुम्रेले जनाएका छन् । उनका अनुसार उपाध्यक्षमा रामकुमार तामाङ,सुमन दाहाल र बिनोद लामिछाने निर्वाचित भएका छन् । त्यसैगरी सचिवको जिम्मेवारी महिला नेतृ चण्डिका लामिछानेले पाएकी छन् भने युवा नेता श्याम नायजु सहसचिव निर्वाचित हुन सफल भएका बताइएको छ । कार्यसमितिको कोषाध्यक्षमा अर्का युवा नेता जगन्नाथ खत्री निर्वाचित भएका छन् । कार्यसमितिका सबै पदाधिकारी युवा हुन् । नगर इन्चार्ज रामशरण दाहालले युवा पुस्ताको काधमा नगर पार्टी हाक्ने जिम्मेवारी दिइएको बताए । नेतृत्वमा युवालाई अघि सार्ने पार्टी नीति बमोजिम यो भएको उनको भनाइ छ । चाँँगुनारायणको अधिवेशन उद्घाटन बिहान पार्टीको केन्द्रीय सदस्य एवं भूमि,सहकारी तथा गरिवी निवारण मन्त्री शशी श्रेष्ठले गरेकी थिइन् । उद्घाटन सत्रलाई सम्बोधन गर्दै जिल्ला इन्चार्ज दिलिप प्रजापति भिष्म,सहइन्चार्ज देवेन्द्र श्रेष्ठ, संयोजक डिपी ढकाल, जिल्ला नेता सुरेश न्यौपाने,सुदर्शन पराजुली,रामलाल नेम्हफुकी लगायतले सर्वसम्मत नेतृत्वको लागि प्रेरित गरेका थिए ।
चाँगुनारायणमा नरेश खड्काको नेतृत्वमा माओवादी केन्द्रको नयाँ नगर समिति निर्वाचित
मदन ढुंगाना / भक्तपुर पोस्ट भक्तपुर, ११ मंसिर २०७८
भक्तपुर, ११ मंसिर २०७८सञ्चार जगत सत्ताको प्रतिपक्षी नै हुनुपर्छ भन्ने मान्यता सही होइन : मन्त्री शर्मा
सञ्चार तथा सूचना प्रविधि मन्त्री रेखा शर्माले सरकारको बिरोध गर्ने नाउँमा व्यवस्थाकै बिरोध भैरहेको बताएकी...
भक्तपुरमा मजदुर दिवसकै दिन गयो दुई मजदुरको ज्यान
भक्तपुरमा विश्व मजदुर दिवसकै दिन दुई मजदुरको ज्यान गएको छ । इनार खन्ने क्रममा दुई...
सूर्यविनायकले माग्यो सुझाव
सूर्यविनायक नगरपालिकाले करबारे सुझाव मागेको छ । एक सूचना जारी गर्दै नगरपालिकाको राजश्व परामर्श समितिले...
भक्तपुरमा गाईको बाच्छो खाएको आरोपमा काभ्रेका ३ मानिस समातिए
भक्तपुरको चाँगुनारायण नगरपालिका वडा नम्बर ९ मा गाई को बाच्छो काटेर खाएको आरोपमा ३ जना...
भक्तपुर शाखाका बराललाई पत्रकार महासंघ उपत्यकाको रजत अभिनन्दन
नेपाल पत्रकार महासंघको उपत्यका प्रदेश समितिले प्रदेश परिषद सदस्यहरु मध्येबाट २५ वर्षभन्दा बढी समयदेखि पत्रकारिता...