भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ । भक्तपुर जिल्ला मानन्धर युवा समुहले उनीहरुलाई सम्मान गरेको हो ।                                                                                                                                                   मध्यपुर थिमिमा एक विशेष कार्यक्रमका बीच शिवप्रसादसहित पछिल्लो समय विभिन्न संघसंस्था, राजनीतिक दल तथा अन्य क्षेत्रमा प्रतिस्ठा प्राप्त गर्न सफल ब्यक्तित्वहरुलाई सम्मान गरिएको आयोजकले जनाएको छ ।                                     
सम्मानित हुनेहरुमा भक्तपुर उद्योग वाणिज्य संघको कार्यसमिति सदस्यमा निर्वाचित अमर मानन्धर, वस्तुगततर्फ सदस्यमा निर्वाचित श्यामप्रसाद मानन्धर रहेका छन् । त्यस्तै, भक्तपुर चेम्बर अफ कमर्सको कार्यसमिति सदस्यमा निर्वाचित सदस्य ज्ञानेन्द्र मानन्धर, मध्यपुर चेम्बर अफ कमर्सको कार्यसमितिमा निर्वाचित सदस्य पुष्पलाल मानन्धरलाई अध्यक्ष न्हुछेरत्न मानन्धरले सम्मानपत्र प्रदान गरेका छन् ।
त्यस्तै नेपाली कांग्रेस भक्तपुर जिल्ला कार्य समिति सदस्यमा निर्वाचित राजेश मानन्धर, मिस लिटिल नेवाः फस्ट रनर अप सुश्री प्रनिधि मानन्धर, मिस ट्यालेन्ट फस्ट रनर अप सिचु मानन्धरलगायत रहेका छन् ।