अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ । सोमबार ललितपुरको बालकुमारीमा सम्पन्न भेलाबाट बनेपालीको अध्यक्षतामा नयाँ कार्यसमिति निर्वाचित भएको हो ।
बनेपाली भक्तपुरका लेखक,पत्रकार, साहित्यकार, शिक्षक एवम्  प्राज्ञिक ब्यक्तित्व भएका बुद्धिजीवी हुन् । उनको नेतृत्वमा २९ सदस्यीय सिङ्गो कार्यसमिति निर्विरोध निर्वाचित भएको बताइएको छ । कार्यसमितिमा भक्तपुरका श्रीराम सुवाल र अञ्जली सैजुसमेत सदस्य निर्वाचित भएका छन् ।
कार्यसमितिको उपाध्यक्षमा क्रमशः रचना माेक्तान, हेमन प्रधान, चन्द्रमणि महतो रहेका छन् । त्यसैगरी राजेन्द्र फुयाल सचिव भएका छन् भने राजेन्द्रकुमार महर्जन र मानुषी मनु सहसचिव निर्वाचित भएका छन् । काेषाध्यक्षको जिम्मेवारी भने अविनाश भण्डारीले प्राप्त गरेका बताइएको छ ।                         सदस्यहरुमा बुङातुङ राई, केदारनाथ भट्ट,अर्पणा उत्कर्ष,रामजी त्रिपाठी, रमेश खतिवडा, अशाेक दुलाल,नवीन रसाइली, दिनेश सङ्ग्राैला लगायत रहेका नवनिर्वाचित अध्यक्ष बनेपालीले बताए ।
नवनिर्वाचित कार्यसमितिलाई नेकपा माओवादी केन्द्रका बागमती प्रदेश इन्चार्ज हितमान शाक्य, जनसास्कृतिक महासङ्घ नेपालका संयोजक सरल सहयात्री, अखिल नेपाल लेखक संघका संयोजक केशव सिलवाल लगायतले बधाई ज्ञापन गर्नुका साथै जनताको पक्षमा लेखिरहन प्रेरित गरेका थिए ।