नेपाली कांग्रेस भक्तपुरकी नेतृ एवं बागमती प्रदेश सभाकी सांसद रजनी अमात्य जोन्छे प्रदेश सरकारको राज्यमन्त्री नियुक्त भएकी छन् ।

समानुपातिक सांसद जोन्छे शहिद राधेश्याम जोन्छेकी श्रीमती हुन् । उनलाई बागमती प्रदेश सरकारको उद्योग,बाणिज्य तथा आपूर्ति राज्यमन्त्री नियुक्त गरिएको हो । प्रदेश सरकारमा भक्तपुर कांग्रेसका नेता एवं निर्वाचित सांसद कृष्णलाल भँडेल भौतिक पुर्वाधार मन्त्री रहेका छन् ।

कांग्रेसले भक्तपुरबाट कनिष्ठहरुलाई केन्द्रीय सदस्य बनाएपछि जोन्छेलाई राज्य मन्त्री दिएर चित्त बुझाइएको श्रोतले दावी गरेको छ । सरल स्वभावकी शहिद पत्नी उनी महाधिवेशनमा जिल्ला सभापति दुर्लभ थापा पक्षमा रहेकी थिइन् । थापाकै पहलमा भक्तपुरले प्रदेश सरकारमा दोश्रो मन्त्री पाएको बताइएको छ ।