News Portal

  • सीटीईभीटी वर्तमान स्थिति भन्दा फरक हुनुपर्छ : मन्त्री पौडेल

    भक्तपुरपोस्ट संवाददाता भक्तपुर, १६ माघ २०७८
    ११०७ पटक
    devendra paudel mantriभक्तपुर, १६ माघ २०७८

    शिक्षा, विज्ञान तथा प्रविधि मन्त्री देवेन्द्र पौडेलले प्राविधिक तथा व्यवसायिक तालिम परिषद् (सीटीईभीटी)ले विद्यार्थीलाई सीप र रोजगारसँग जोड्नसक्नु पर्नेमा जोड दिएका छन् ।

    आइतबार भक्तपुरको सानोठिमीस्थित सीटीईभीटीका कर्मचारीको छलफलमा मन्त्री पौडेलले यथास्थितिमा सिटीइभिटीको कामबाट सन्तुष्ट हुन सकिने अवस्था नरहेको बताए । देशलाई चाहिने प्राविधिक तथा व्यवसायिक जनशक्ति उत्पादन गर्ने मात्र नभई त्यसलाई उत्पादनसंग समेत जोड्ने संस्था सीटीईभीटी भएको भन्दै उनले सोहीबमोजिम ससक्त योजना बनाई कार्यान्वयनमा लाग्न निर्देशन दिए ।

    ‘ऐन, नियमावली र नीतिमा समस्या छन् भने बुँदागत रुपमा ल्याउनुस् समाधान गरौं’ मन्त्री पौडेलले भने, ‘ यो संस्था वर्तमानको स्थिति भन्दा फरक हुनपर्यो।’

    १० औं वर्षदेखिका फाइलहरु पेन्डिङमा राखेर नहुने बताउँदै मन्त्री पौडेलले निकास दिनेमा गम्भीर बन्न कर्मचारीलाई निर्देशन दिएका उनका प्रेस संयोजक बिमल खड्काले बताए ।

    ‘नयाँ बजेटको प्रक्रिया थालनी भएको जानकारी गराउदै उनले भने, ‘संस्थाका आवश्यकता के–के हुन् मन्त्रालयलाई दिनुहोस्, पछि बजेट नभएर काम गर्न सकिएन भन्ने बहाना नबनाउनु ।’

    उक्त अवसरमा मन्त्री पौडेलले मन्त्रालयले २०३० सम्म दिगो विकासको लक्ष्य लिएको बताउँदै त्यसका लागि अहिलेदेखि योजनाबद्ध रुपले काममा लाग्नुपर्ने आवास्यकता औल्याएका थिए ।

    त्यसैगरी शिक्षा सचिव यादवप्रसाद कोइरालले पारदर्शीता र सुशासनमा जोड दिंदै नियम विपरित काम गरे मन्त्रालयले दण्डित गर्ने बताए । ‘मन्त्रालय कर्मचारीको अभिभावक हो ।  पारदर्शीता र सुशासनमा प्रतिबद्ध हुनुहोस् ।’ सचिव कोइरालाले प्रष्ट पारे ।

    भक्तपुरको सानोठिमीस्थित प्राविधिक तथा व्यवसायिक जनशक्ति उत्पादन गर्ने सीटीईभीटी हरेक समय शैक्षिक गुणस्तरको चर्चामा भन्दा सम्बन्धन दिने खेलोमेलोका कारण चर्चित र बिबादित बन्दै आएको छ ।

    प्रतिकृया दिनुहोस्

    शिक्षा र स्वास्थ्य निशुल्क नभई भ्रष्टाचार नरोकिने मन्त्रीको भनाइ

    गुणस्तरीय शिक्षा र स्वास्थ्य सेवा निःशुल्क नभई भ्रष्टाचार नरोकिने बागमती प्रदेश सरकारकी सामाजिक विकास मन्त्री...

    दरबारमार्गमा शक्ति प्रदर्शन गरेको एमालेलाई एक लाख जरिवाना

    काठमाडौं महानगरपालिकाले सत्तारुढ दल नेकपा एमालेलाई एक लाख रुपैयाँ जरिवाना तिर्न पत्राचार गरेको छ ।...

    सिक्दै कमाउँदै श्री पद्मका विद्यार्थी

    “मैले तीन कक्षादेखि नै अतिरिक्त क्रियाकलाप अन्तर्गत आर्ट ( पेन्टिङ्ग ) विषय रोजे । त्यति...

    वेदालय बन्यो भक्तपुरकै सर्वोत्कृष्ट करदाता

    भक्तपुरमा १३ औं राष्ट्रिय कर दिवस सप्ताहव्यापी कार्यक्रम गर्दै सम्पन्न भएको छ । आन्तरिक राजश्व...

    शिक्षाशास्त्रको अवमूल्यनले शिक्षा क्षेत्र अघि बढ्न सक्दैन

    २०८० जेठ १५ को बजेट भाषणमार्फत गुणस्तरीय शिक्षामा आमनागरिकको पहुँच बढाउने उद्देश्यले जुनसुकै विषयमा उच्च...