सत्ता साझेदार दल नेकपा(माओवादी केन्द्र)को सहायक संगठन योङ्ग कम्युनिष्ट लिग, नेपाल (वाइसिएल,नेपाल) को भक्तपुर सचिवमा सरराज उप्रेती चयन भएका छन् । उप्रेती वाइसिएलको बागमती प्रदेश सदस्य समेत हुन् ।

सर्वसम्मत रुपमा उनलाई जिल्ला कार्यसमितिको सचिवमा चयन गरिएको बागमती प्रदेश इन्चार्ज प्रकाशचन्द्र पाण्डे’प्रलोक’ले पुष्टि गरे । वाइसिएलले जिल्लामा अध्यक्ष र सचिव बाहेक पदाधिकारी भने टुंगो लगाएको छैन । भक्तपुर अध्यक्षमा भने नरेश रन्जितले जिम्मेवारी पाएका छन् ।

वाइसिएल भक्तपुरबाट रोशन बासुकला,सुमन दाहाल,बिक्रम ह्यान्बो, सुरेन्द्र सुवाल,शुष्मा श्रेष्ठ र दिपेश लामिछाने मंगलवार बागमती प्रदेश सदस्यमा मनोनित भएका समेत जानकारी गराइएको छ । यसैगरी कृष्णमान बन्माला अमित कारंजित र निरोज आचार्यलाई बिभागीय समितिको सदस्यको जिम्मेवारी दिइएको बताइएको छ । वाइसिएल भक्तपुरको इन्चार्जमा भने दिनेश थपलिया आक्रोश रहेका छन् । वाइसिएलको बागमती प्रदेशको बैठकले उक्त जिम्मेवारी दिएको हो ।