भक्तपुर, ५ चैत २०७८नेपाल राष्ट्रिय कर्मचारी संगठन निजामतीको भक्तपुर जिल्ला कार्यसमितिमा नयाँ नेतृत्व निर्वाचित भएको छ । शनिवार राधेराधेमा सम्पन्न पाचौं अधिवेशनबाट मोहन रानाको अध्यक्षतामा १७ सदस्यीय कार्यसमिति निर्वाचित भएको हो ।
सिंगो कार्यसमिति नै निर्विरोध निर्वाचित भएको संगठनका भक्तपुर इन्चार्ज कुबेरप्रसाद दाहालले जानकारी दिए । दाहालले जनाए अनुसार बरिष्ठ उपाध्यक्षमा लाल बहादुर गुरुङ र उपाध्यक्षमा राेशनी बुढाथोकी चयन भएका छन् । त्यसैगरी सचिवमा शंकर कुमार थापा,सह सचिव रामजि नेपाल र कोषाध्यक्षमा पदम पाण्डे निर्वाचित भएका बताइएको छ ।
कार्यसमितिका सदस्यहरुमा भने महेश बास्तोला, छितेन भाेटे, कृष्ण आचार्य, प्रचण्ड घिमिरे, निराेज पाैडेल, निर्मल रावल, भुवनराज अाेझा, गणेश शाही, गुणानन्द जाेशी, रुपक ढकाल र टीका राउत निर्वाचित भएका छन् ।
अधिवेशनको उद्घाटन सत्रलाई सम्बोधन गर्दै नेकपा(माओवादी केन्द्र)का केन्द्रीय सदस्य दिलिप प्रजापति भिष्म, अर्का केन्द्रीय सदस्य डिपी ढकाल,प्रदेश सदस्य सुरेश न्यौपाने, भक्तपुर जिल्ला संयोजक सुनिल गोठे बासु, नेराकस निजामतीका केन्द्रीय वरिष्ठ उपाध्यक्ष अम्बादत्त भट्ट, केन्द्रीय उपाध्यक्ष शेर बहादुर कार्की, उपमहासचिव सुरेश चपाई, सचिव जगत उपाध्याय, नेपाल पत्रकार महासंघ भक्तपुरका सचिव एवं प्रेस सेन्टर नेपाल भक्तपुरका अध्यक्ष संजीप घिमिरे शुभचिन्तक लगायतले क्रान्तिकारी कर्मचारीहरु रोल मोडल हुनुपर्नेमा जोड दिए ।
वक्ताहरुले ब्युरोक्रेसी स्थायी सरकार भएकोले देश र जनताको पक्षमा जिम्मेवारीपूर्वक कार्यसम्पादन गर्नुपर्ने बिचार व्यक्त गरे । देशमा शासन व्यवस्था परिवर्तन मात्र नभई कर्मचारी प्रशासनमा समावेशी र समानुपातिक प्रणाली पनि माओवादी केन्द्रकै कारण आएकोप्रति गर्व गर्दै संगठन बिस्तार गर्नुपर्ने उनीहरुले बताएका थिए । उद्घाटन सत्र छत्र बहादुर देवकोटाको अध्यक्षतामा सम्पन्न भएको थियो भने त्यसको लगत्तै बसेको बन्द सत्रले १७ सदस्यीय कार्यसमिति निर्विरोध निर्वाचित गरेको हो ।
नेराकस निजामतीको बन्द सत्रले भक्तपुर जिल्ला ईन्चार्जमा फेरिपनि कुबेरप्रसाद दाहाललाई चयन गरेको छ भने सह ईन्चार्जमा विनिता पाण्डे परेकी छन् । त्यसैगरी केन्द्रीय महाधिवेशन प्रतिनिधिमा क्रमस: कुबेर प्रसाद दाहाल, छत्र बहादुर देवकोटा र शंकर कुमार थापा छनौट भएका छन् ।