नेपाल मजदुर किसान पार्टी(नेमकिपा)को किल्ला भनिएको भक्तपुर नगरपालिकामा निवर्तमान जनप्रतिनिधिहरुकै उम्मेद्वारी परेको छ । बैशाख ३० को लागि तय भएको निर्वाचनका लागि बहुसंख्यक पुरानै जनप्रतिनिधिहरुले उम्मेद्वारी दिएका छन् ।

नेमकिपाले भक्तपुर नगरपालिकामा प्रमुख सुनिल प्रजापतिकै नेतृत्वमा उम्मेद्वारी दिएको छ । भद्र र शालीन स्वभावका प्रजापति संविधान सभा सदस्य समेत हुन् । उपमेयरमा पनि पुरानै रजनी जोशीले उम्मेद्वारी दिएकी छन् ।

यस्तै वडा अध्यक्ष रहेका वडा नं. १ का श्यामकृष्ण खत्री, २ का हरिप्रसाद बासुकला, ३ का राजकृष्ण गोरा, ६ नंं का हरिराम सुवाल, ७ नंं वडाका उकेश कवांले पुन सोही पदमा उम्मेद्वारी दर्ता गराएका छन् भने ९ नंं वडामा वडाध्यक्ष रहेका रविन्द्र ज्याख्व र १० का लक्ष्मीप्रसाद ह्यौमिखाले पनि पुन: वडाध्यक्ष उम्मेद्वारी दिएका छन् ।

वडा नम्बर ४, ५ र ८ मा भने नेमकिपाले नयाँ उम्मेदवार बनाएको छ । ४ मा उपेन्द्र सुवाल, ५ मा योगेन्द्रमान बिजुक्छें र ८ नंं वडामा कृष्णप्रसाद कोजु लाई नयाँ उम्मेदवारको रुपमा नेमकिपाले अघि सारेको हो ।