पूर्वमन्त्री एवं संघीय सांसद महेश बस्नेतको शल्यक्रिया सफलतापूर्वक सम्पन्न भएको छ । पित्तथैलीमा पथ्थरी देखिएपछि सोमबार उनको शल्यक्रिया सम्पन्न भएको हो ।                                                                                                      भक्तपुरको दुधपाटीस्थित शहिद धर्मभक्त राष्ट्रिय प्रत्यारोपण केन्द्रमा सफलतापूर्वक शल्यक्रिया सम्पन्न गरिएको उनका स्वकीय सचिव दिनेश थापाले जानकारी दिएका छन् । नेकपा(एमाले)का पोलिट्ब्युरो सदस्य समेत रहेका सांंसद बस्नेतलाई डा चेतन योन्जनको नेतृत्वमा रहेको चिकित्सकहरुको समूहले शल्यक्रिया सम्पन्न गरेका हुन् । करिब ४५ मिनेटमा उनको शल्यक्रिया सफलतापूर्वक सम्पन्न गरिएको बताइएको छ ।                                                                                                  सोमबार बिहान अस्पताल भर्ना भएका सांसद बस्नेतलाई दिउँसो मात्र शल्यक्रियाका लागि लगिएको थियो । अहिले उनको स्वास्थ्य अवस्था सामान्य रहेको चिकित्सकको भनाइ छ । यद्यपी, इन्फेक्सन हुनसक्ने भन्दै स्वास्थ्य लाभको शुभकामना दिन आउनेहरुलाई अस्पतालले बाहिरै रोकेर राखेको छ ।