भक्तपुर, ३० असार २०७९ भक्तपुरको रोम्बस सेकेण्डरी स्कुलले अब राजधानी कलेज सञ्चालनमा ल्याउने भएको छ । आज बिहिबार रोम्बस हलमा आयोजित पत्रकार सम्मेलनमा प्रधानाध्यापक राजेन्द्र कोजुले उक्त जानकारी गराएका हुन् ।
कार्यक्रमलाई सम्बोधन गर्दै प्रधानाध्यापक कोजुले विगत ३ वर्षदेखिको निरन्तर प्रयासपछि कलेज सञ्चालनमा ल्याउन सफल भएको बताए । ‘कुल २६ आना जग्गामा ४ वटा भवन, ५५ कर्मचारी, ५ वटा बस लगायतको पर्याप्त भौतिक पुर्वाधारको सुविधा भइसकेको छ ।’उनले भने,‘अब छिटै कलेज सञ्चालनमा ल्याउने छौ । करिब ७ सय विधार्थी अध्ययनरत रोम्बस सेकेण्डरी स्कुलको बलियो जगमा राजधानी कलेज सञ्चालन हुने र यसले छोटो समयमा नै सफलता प्राप्त गर्नै विश्वास लिएका छौ ।’
चाँगुनारायण नगरपालिका ७ कमलविनायकमा कलेज रहनेछ । यस वर्षदेखि कक्षा ११ मा व्यवस्थापन, मानविकी, शिक्षाशास्त्र, कानुन संकायमा पठनपाठन हुनेछ । गरिब तथा जेहेन्दार विधार्थीहरुलाई व्यापक छात्रवृत्ति दिने योजना पनि रहेको प्रधानाध्यापक कोजुले जानकारी दिए ।
विज्ञप्ति हेर्नुहोसः