अमेरिकाबाट फर्किएकी सञ्चारकर्मी एवं सुपरिचित समाचार बाचिका रमा सिंहले मतदाता परिचय पत्र बनाएकी छन् । जिल्ला निर्वाचन कार्यालय भक्तपुर आएर उनले मतदाता परिचय पत्रका लागि विवरण भरेकी हुन् ।                                                                                                                    शुक्रबार पत्रकारद्वय बिकल श्रेष्ठ र रमेश खड्कासंग निर्वाचन कार्यालय पुगी विवरण भरेकी सिंहले आफ्नो ठेगाना मध्यपुर थिमि नगरपालिका वडा नम्बर २ उल्लेख गरेकी छन् । पछिल्लो समय राजनीतिलाई समेत महत्व दिएर गतिविधि गरिरहेकी सिंहले भक्तपुरमा मतदाता विवरण अध्यावधिक गरे संगै उनी आउँदो निर्वाचनमा भक्तपुर बाट उम्मेदवार बन्ने समेत सम्भावना बलियो बन्दै गएको उनी निकट श्रोतले जनाएको छ ।                                                                                                      सिंहले  उम्मेदवार बन्ने उदेश्यले मतदाता परिचय पत्र लिन खोजेको विषयमा कुनै आधिकारिक पुष्टि भने भएको छैन । यद्यपि भक्तपुर पोस्ट श्रोतले भने उनी रवी लामिछाने नेतृत्वको पार्टी बाट भक्तपुर-२ को प्रतिनिधि सभा सदस्यमा उम्मेदवार बन्ने दावी गरेको छ ।