भक्तपुरपोस्ट संवाददाताभक्तपुर, २९ असोज २०७९
भक्तपुर, २९ असोज २०७९हनुमन्ते नदी सफाई अभियानका उत्प्रेरक एवं सामाजिक अभियन्ता रुद्र पौडेलको निधन भएको छ । शुक्रवार उनको असमायिक निधन भएको हो ।
मथिनपा- १ लौहकिन्थली निवासी सामाजिक अभियन्ता पौडेल लामो समयदेखि मृगौला रोगले पिडित रहेका थिए । पाटन अस्पतालमा उपचार गराइरहेका उनलाई अस्पतालले शुक्रवार मृत घोषित गरिदिएको हो । ५७ वर्षको उमेरमा उनको निधन भएको पारिवारिक श्रोतले पुष्टि गरेको छ । शुक्रवार नै सामाजिक परम्परा अनुरुप पशुपतिको आर्यघाटमा उनको दाहसंस्कार सम्पन्न गरिएको बताइएको छ । उनको अन्तिम बिदाइका लागि भक्तपुरका नेता एवं पूर्व मन्त्री महेश बस्नेत लगायत अभियन्ताहरु आर्यघाट पुगेका थिए । अभियन्ता पौडेलको निधनले सफाई अभियानमा अपूरणीय क्षती भएको युवा अभियन्ता नरेश रन्जितले जनाएका छन् ।
पौडेलका श्रीमती, १ छोरा र १ छोरी छन् ।