भक्तपुर, ४ मङ्सिर २०७९भक्तपुर निर्वाचन क्षेत्र नम्बर १ मा ७२.१९ प्रतिसत मत खसेको छ । आइतवार सम्पन्न प्रतिनिधि सभा तथा प्रदेश सभा सदस्य निर्वाचनमा ७२.१९ प्रतिसत मत खसेको हो ।
१ लाख २ हजार ५ सय २८ मतदाता रहेका यस क्षेत्रमा आज आइतवार सम्पन्न निर्वाचनमा ७४ हजार १९ मत खसेको हो । यहाँ महिला मतदाता पुरुष भन्दा बढी रहेका छन् र मतदानमा पनि उनीहरुले पुरुषलाई उछिनेर मतदानमा सहभागी भएका छन् ।
२ प्रदेश क्षेत्र रहेको यस निर्वाचन क्षेत्रमा भक्तपुर नगरपालिका र चाँगुनारायण नगरपालिका पर्दछन । १ सय १५ मतदान केन्द्र रहेको निर्वाचन क्षेत्र नम्बर १ मा भक्तपुर नगरपालिकास्थित ख्वप: इञ्जिनियरिङ्ग कजेज मतदान केन्द्रमा सबैभन्दा बढी मतदान भएको छ । यहाँ ८० प्रतिसत मत खसेको जिल्ला निर्वाचन कार्यालयका सूचना अधिकारी भिमबहादुर बिसीले बताए । उनका अनुसार यहाँ सबैभन्दा कम चाँगुनारायण नगरपालिकाको कालिका मावि केन्द्रमा ६३ प्रतिसत मात्र मत खसेको बताइएको छ ।