भक्तपुरपोस्ट संवाददाताभक्तपुर, १४ मंसिर २०७९
भक्तपुर, १४ मंसिर २०७९ सुनसरी ४ मा प्रतिनिधि सभातर्फ नेपाली कांग्रेसका नेता एवं सञ्चार तथा सूचना प्रविधि मन्त्री ज्ञानेन्द्रबहादुर कार्कीले ३ सय ३७ मतको अग्रता हात परेका छन् ।
पछिल्लो मत विवरणअनुसार कार्कीले नेकपा एमालेका जगदिशप्रसाद कुसियतसँग उक्त मतान्तर कायम गरेका हुन् । मन्त्री कार्कीले २६ हजार ८ सय १८ मत प्राप्त गरेका छन् ।
एमालेका कुसियतले २६ हजार ४ सय ८१ मत पाएका छन् । तेस्रो स्थानमा रहेका राष्ट्रिय स्वतन्त्र पार्टीका जीवनकुमार श्रेष्ठले २ हजार ८ सय ५२ मत प्राप्त गर्दा विद्यानन्द यादवले २ हजार ३ सय ३९ मत पाएका छन् ।
सुनसरीका अन्य क्षेत्रको अन्तिम मत परिणाम सार्वजनिक भइसकेको छ । सुनसरी ४ मा मत गन्ने क्रममा विवाद भएपछि दुई दिन स्थगित गरिएको थियो । निर्वाचन आयोगले पुनः मत गणना गर्न निर्देशन दिएपछि सुचारु गरिएको हो ।
