भक्तपुरपोस्ट संवाददाता ललितपुर, ५ मंसिर २०७९
ललितपुर, ५ मंसिर २०७९एमालेले ललितपुरबाट जितको खाता खोलेको छ । ललितपुर निर्वाचन क्षेत्र नं. २ मा नेकपा एमालेका उम्मेदवार प्रेमबहादुर महर्जन विजयी बनेका छन् ।
मतगणनाको अन्मित मतपरिणाम अनुसार महर्जन १९ हजार ७ सय ३४ मतसहित निर्वाचित भएका हुन् ।
उनका निकटतम प्रतिद्वन्द्वी हाम्रो नेपाल पार्टीका उम्मेदवार सुदिन शाक्यले १० हजार ४ सय ४० मत ल्याएका छन् । महर्जन निर्वाचित भएसँगै एमालेले प्रतिनिधिसभामा जितको खाता खोलेको छ। मतगणना सम्पन्न भएपनि आधिकारिक घोषणा हुन बाँकी रहेको छ।