भक्तपुर, ६ मंसिर २०७९ कतारमा जारी फिफा विश्वकप २०२२ अन्तर्गत समूह ‘बी’ को खेल वेल्स र अमेरिकाको बराबरी अंकमा रोकिएको छ ।
सोमबार राति अकहमेद विन अली स्टेडियममा भएको खेलमा वेल्स र अमेरिका १–१ गोलको बराबरीमा रोकिएकोप हो ।
प्रतिस्पर्धात्मक खेलमा अमेरिकाका लागि टिमोथी वेहले गोल गरेका थिए भने वेल्सका ग्यारेथ बेलले बराबरी गोल फर्काएका थिए ।
खेलमा सुरुवाती अग्रता अमेरिकाले लिएको थियो । टिमोथी वेहले ३६औँ मिनेटमा गोल गर्दै अमेरिकाको उत्साह जगाएका थिए ।
त्यसपछि वेल्सले ८२औँ मिनेटमा पेनाल्टीमार्फत बराबरी गोल फर्कायो । डिबक्सभित्र अमेरिकाका जिमरमनले ग्यारेथ बेललाई फल हानेपछि वेल्सले पेनाल्टीको अवसर पाएको थियो । जसलाई बेलले सही सदुपयोग गरे ।
बराबरीसँगै अमेरिका र वेल्सले एक एक अङ्क बनाएका छन् । तीन अङ्क बनाएको इङ्ग्ल्यान्ड शीर्ष स्थानमा छ । सोमबार नै भएको समूहको पहिलो खेलमा इङ्ग्ल्यान्डले इरानलाई ६-२ गोलले स्तब्ध बनाएको थियो । एजेन्सी