भक्तपुरपोस्ट संवाददाता भक्तपुर, १८ मङ्सिर २०७९
भक्तपुर, १८ मङ्सिर २०७९ भक्तपुर नगरपालिकाका प्रमुख सुनिल प्रजापतिले भोलाछेँस्थित भोलाछेँ पोखरी भक्तपुरको हेर्नलायक एक आकर्षक पोखरी भएको बताएका छन् । उनले भोलाछेँ पोखरीको पर्खाल निर्माण कार्यको सार्वजनिक परीक्षण कार्यक्रममा यस्तो बताएका हुन् ।
भक्तपुर नपाले शिक्षा, स्वास्थ्य, सम्पदा पुनःनिर्माण तथा विकास निर्माणका क्षेत्रमा गरेका गतिविधिहरुलाई देशभरिका स्थानीय तहहरुले अनुकरण गर्न खोजिरहेको उनको भनाइ छ ।
उनले नेमकिपाले देशको सार्वभौमिकता रक्षाको सवालमा खेलेको भूमिकाबारे समेत चर्चा गरेका छन् ।
भक्तपुर नपाले आफ्ना गतिविधि पारदर्शी ढंगले विभिन्न सञ्चारमाध्यम र प्रकाशनमार्फत सार्वजनिक गर्दै आएको जानकारी दिँदैं शिक्षा र स्वास्थ्यको सन्तुलित विकासले भक्तपुरबासी जनताको जीवनस्तरमा उल्लेखनीय प्रगति भएको दावा उनले गरे ।