मध्यपुर सञ्चार समाजको आयोजनामा मध्यपुर थिमिमा पत्रकारले सास्कृतिक पदयात्रा सम्पन्न गरेका छन् । य:मरी पुन्हीको अवसरमा बिहीबार पदयात्रा सम्पन्न भएको हो । मध्यपुर थिमि नगरपालिकाको शंखधर पार्कबाट शुरु भएको पदयात्रा बालकुमारी हुँदै बोडेमा पुगी सम्पन्न भएको थियो । उक्त अवसरमा सहभागीहरुले एक दर्जन बढी सास्कृतिक महत्वका सम्पदाको अवलोकन भ्रमण गरेका थिए । मध्यपुरको कला, सस्कृती र सम्पदालाई प्रचारप्रसार गरि आन्तरिक र बाहिरी पर्यटक भित्राउने उदेश्यले पदयात्रा गरिएको आयोजक मध्यपुर सञ्चार समाजका अध्यक्ष बाबुकाजी साँछें श्रेष्ठले बताएका छन् । समाजका सचिव एवं नेपाल पत्रकार महासंघ भक्तपुरका सहसचिव सुमन श्रेष्ठले जनाए अनुसार पदयात्रामा २ दर्जन बढी पत्रकार सहभागी भएका छन् र उनीहरूले करिब ३ किलोमिटर पैदल यात्रा गरेका छन् । पत्रकार आफै पदयात्रामा सहभागी हुँदा मध्यपुरको सास्कृतिक महत्वलाई शब्द र चित्रमा उतारी देश बिदेशमा प्रचार गर्न सहयोग मिल्ने उनले बिश्वास ब्यक्त गरे । पदयात्रामा सहभागिता जनाएका नेपाल पत्रकार महासंघ भक्तपुरका अध्यक्ष जगतकृष्ण प्रजापतिले पत्रकार पेशाकर्मीका अलावा सामाजिक अगुवा समेत भएको भन्दै मध्यपुरको पर्यटन बिकासमा टेवा पुर्याउने मध्यपुर सञ्चार समाजको कार्यबाट अरुले पनि सिक्नुपर्ने सुझाव दिए । नेपाल पत्रकार महासंघबाट समाजको पदयात्रामा सचिव संजीप शुभचिन्तक, सहसचिव हेमराज ढकाल र सदस्य रामगोपाल तमखु समेत सहभागी भएका थिए । सहभागीहरुलाई स्थानीयले स्वागत गर्नुका साथै स्थानीय महिला समूहले आफैले तयार पारेको सम्यबजी र य:मरी खुवाएर आतिथ्यता प्रदान गरेका थिए ।
मध्यपुरमा पत्रकारको सांस्कृतिक पदयात्रा
भक्तपुरपोस्ट संवाददाताभक्तपुर, २२ मङ्सिर २०७९
भक्तपुर, २२ मङ्सिर २०७९सञ्चार जगत सत्ताको प्रतिपक्षी नै हुनुपर्छ भन्ने मान्यता सही होइन : मन्त्री शर्मा
सञ्चार तथा सूचना प्रविधि मन्त्री रेखा शर्माले सरकारको बिरोध गर्ने नाउँमा व्यवस्थाकै बिरोध भैरहेको बताएकी...
भक्तपुरमा मजदुर दिवसकै दिन गयो दुई मजदुरको ज्यान
भक्तपुरमा विश्व मजदुर दिवसकै दिन दुई मजदुरको ज्यान गएको छ । इनार खन्ने क्रममा दुई...
सूर्यविनायकले माग्यो सुझाव
सूर्यविनायक नगरपालिकाले करबारे सुझाव मागेको छ । एक सूचना जारी गर्दै नगरपालिकाको राजश्व परामर्श समितिले...
भक्तपुरमा गाईको बाच्छो खाएको आरोपमा काभ्रेका ३ मानिस समातिए
भक्तपुरको चाँगुनारायण नगरपालिका वडा नम्बर ९ मा गाई को बाच्छो काटेर खाएको आरोपमा ३ जना...
भक्तपुर शाखाका बराललाई पत्रकार महासंघ उपत्यकाको रजत अभिनन्दन
नेपाल पत्रकार महासंघको उपत्यका प्रदेश समितिले प्रदेश परिषद सदस्यहरु मध्येबाट २५ वर्षभन्दा बढी समयदेखि पत्रकारिता...