भक्तपुर, २० माघ २०७९नेकपा(माओवादी केन्द्र) का सूर्यविनायक नगर सदस्य, अखिल नेपाल ट्रेड युनियन महासंघ (ANTUF) भक्तपुरका उपाध्यक्ष एवं सेक्युरिटी मजदुर संगठनका भक्तपुर जिल्ला अध्यक्ष नरेन्द्र राज थापा(नरे) को अन्तिम संस्कार सम्पन्न भएको छ । बुधवार ५३ वर्षको उमेरमा देह त्याग गरेका थापाको शुक्रबार दाहसंस्कार सम्पन्न भएको हो । जर्मनीमा रहेका छोरा आएपछि शुक्रबार अन्तिम संस्कार गरिएको पारिवारिक श्रोतले जनाएको छ । 
थापाको पार्थिव शरीरमा कम्युनिस्ट पार्टीको झण्डा ओढाइ माओवादी केन्द्रका केन्द्रीय सदस्य डिपी ढकाल, जिल्ला संयोजक सुनिल बासु र नगर अध्यक्ष सानुकान्छा आलेमगर लगायतले सम्मान ब्यक्त गरेका थिए । उनको निधनले मजदुर आन्दोलनमा क्षती पुगेको मजदुर नेता मिलन लामाले बताए । थापा समाजमा अन्याय नसहने र सबैलाई न्याय हुनुपर्ने मान्यतामा सदैव अडिग रहेका उनका छिमेकी एवं नेपाली कांग्रेस सूर्यविनायकका प्रवक्ता रमेश खड्काले जनाएका छन् । थापाका श्रीमती १ छोरा र १ छोरी छन् ।