घरमै ग्याँस सिलिन्डर विस्फोट हुँदा घाइते भएकी गुल्मीका संघीय सांसद चन्द्र भण्डारीकी आमा हरिकला भण्डारीको निधन भएको छ । उनको बिहीवार बिहान निधन भएको हो ।

हरिकलाको किर्तिपुर अस्पतालमा उपचारका क्रममा निधन भएको अस्पतालकी कार्यकारी निर्देशक डा.निजिना ताम्राकारले पुष्टि गरेकी हुन् । काठमाडौंको बुद्धनगरस्थित घरमा बुधबार राति ग्याँस विस्फोट हुँदा हरिकला र सांसद भण्डारी सख्त घाइते भएका थिए । भाण्डारी र उनकी ८९ वर्षीया आमालाई सिभिल अस्पताल हुँदै कीर्तिपुर अस्पताल लगेर आइसीयूमा उपचार थालिएको थियो।

सांसद भण्डारीको किर्तिपुरस्थित अस्पतालमै सघन उपचार भइरहेको छ । उनलाई थप उपचारका लागि भारत लैजाने तयारी गरिएको बताइएको छ ।