भक्तपुर, १६ फागुन २०७९लागु औषध प्रयोगकर्ताले विकल्पको रुपमा प्रयोग गर्ने औषधी बिक्री वितरण गरेको आरोपमा भक्तपुर प्रहरीले एक औषधी पसलेलाई पक्राउ गरेको छ । पक्राउ पर्नेमा रौतहट घर भई हाल निकोशेरा बस्ने २७ वर्षिय अरुणकुमार साह हुन ।
भक्तपुरको मध्यपुर थिमि–५, निकोशेरामा बिना दर्ता औषधी पसल संचालन गरेका साहले ती औषधी बिक्रि गर्ने अनुमति समेत नलिई लागु औषध प्रयोगकर्ताले विकल्पको रुपमा प्रयोग गर्ने औषधी बिक्रि वितरण गरेको पाईएको जिल्ला प्रहरी परिसर भक्तपुरले जनाएको छ । सूचना अधिकारी रहेका डिएसपी कुमारप्रसाद मैनालीले बताए अनुसार अवैधरुपमा औषधी बिक्रि वितरण गरिरहेको भन्ने गोप्य सूचनाका आधारमा साहलाई पक्राउ गरिएको हो ।भएपछि प्रहरीले अनुसन्धान गरी उनलाई पक्राउ गरिएको प्रनाउ मैनालीले बताउनुभयो ।
प्रहरीले उनको पसलबाट लागु औषध प्रयोगकर्ताले विकल्पको रुपमा प्रयोग गर्ने विभिन्न औषधी समेत बरामद गरेको बताइएको छ । उनलाई कारवाहीका लागि काठमाडौंस्थित औषधी व्यवस्था विभाग पठाएको डिएसपी मैनालीले जानकारी दिए ।