भक्तपुर, ४ चैत २०७९निवृत्त राष्ट्रसेवक समाज नेपाल भक्तपुर शाखाले बाथ रोग सम्बन्धी एक दिने स्वास्थ्य शिविर गरेको छ । सूर्यविनायक नगरपालिका वडा नं. ४ स्थित दक्षिण बाराही मन्दिर प्राङ्गणमा शनिवार स्वास्थ्य शिविर सम्पन्न भएको हो ।
आम जनसमुदायलाई लक्षित गरी गरिएको शिविरमा एक सय भन्दा बढीले स्वास्थ्य परीक्षण गराएका आयोजकको भनाइ छ । ”शिविरमा १ सय ८ जना महिला–पुरुषहरुले स्वास्थ्य परिक्षण गराउनु भयो ।” समाजका अध्यक्ष मंगलप्रसाद श्रेष्ठले भने ।
युवा देखि बृद्धबृद्धासम्म हरेक प्रकारको बाथ रोग लाग्ने भएकोले समयमै उपचार गरेमा निको हुने हुँदा स्वास्थ्य शिविरको आयोजना गरेको अध्यक्ष श्रेष्ठले जानकारी दिए ।
नेशनल बाथरोग सेन्टरको सम्पूर्ण प्राविधिक सहयोगमा संचालन गरिएको कार्यक्रममा बाथ रोग सम्बन्धी जानकारीमूलक पर्चा समेत वितरण गरिएको थियो ।
प्रत्येक महिनामा विभिन्न ठाउहरुमा शिविर संचालन गर्दै जाने आयोजकले जनाएको छ ।
समाज निवृत्त भएका कर्मचारीहरुको सामाजिक संस्था हो ।