भक्तपुरको अरनिको हाइवेस्थित सूर्यविनायक ९ पलासेचोकमा सवारी दुर्घटना हुँदा एक मोटरसाइकल चालकको ज्यान गएको छ । शुक्रवार बिहान दुर्घटना ग्रस्त मोटरसाइकल चालकको ज्यान गएको हो ।

ज्यान गुमाउनेमा सूर्यविनायक नगरपालिका वडा नं. ९ पलासे महत गाँउ बस्ने बर्ष २४ को निश्चल महत रहेका छन् । जगातीबाट साँगा तर्फ जाँदै गरेको प्रदेश ३-०२-०१० प ६८९० नं को मोटरसाईकल आफै अनियन्त्रित भई करिब पौने ९ बजे पलासेचोकमा दुर्घटना हुदाँ चालक महत गम्भीर घाइते भएका थिए ।

उपचारको लागि सूर्यविनायक नगर अस्पताल जगाती लगिएकामा त्यहाँ उपचार हुन नसकेपछि थप उपचारको लागि करिब साढे ९ बजे उनलाई मध्यपुर अस्पताल पुर्याइएको प्रहरीले जनाएको छ । उपचारको क्रममा बिहान करिब पौने १० बजेको समयमा महतको मृत्यु भएको जिल्ला प्रहरी वृत्त जगातीका डिएसपी राजकुमार श्रेष्ठले जानकारी गराएका छन।