यातायात ब्यवस्था कार्यालय(चालक अनुमतिपत्र) को भक्तपुरस्थित कार्यालयको कामकाज ठप्प भएको छ । कम्युटर सिस्टमको सर्भर बिग्रेपछि कामकाज ठप्प भएको हो ।                                                                                         मंगलवार राधेराधेस्थित यातायात ब्यवस्था कार्यालयमा कुनै पनि काम नभएको एक सेवाग्राहीले बताएका हुन् । उक्त विषयमा जिज्ञासा राख्दा निमित्त कार्यालय प्रमुख शिवकुमार निरौलाले सर्भर बिग्रेकाले काम हुन नसकेको बताए । “केन्द्रीय सर्भरमै समस्या आएपछि भक्तपुरमा मात्र नभई देशैभर सेवा प्रवाह हुन सकेन ।” उनले भने ।                                                                                                                                            राधेराधेस्थित यातायात ब्यवस्था कार्यालयमा नयाँ सवारी चालक अनुमती पत्र प्राप्तिको प्रक्रियाका लागि मंगलवार आएका करिब ७ सय ५० सेवाग्राही र अन्य सेवाका लागि आएका समेत गरि करिब २ हजार सेवाग्राही सेवा बन्द भएकाले फर्कन बाध्य भएका बताइन्छ । कार्यालय प्रमुख निरौलाले रोकिएका सेवाग्राहीलाई सर्भर सुचारु भएपछि सेवा दिने जानकारी दिएका छन् । उनले बिभागको सूचना हेरेर वा कार्यालयमा टेलिफोन सम्पर्क गरेर सर्भर सुचारु भएको यकिन भएपछि मात्र सेवा लिन आउन सम्पूर्ण सेवाग्राहीलाई अनुरोध समेत गरेका छन् ।