भक्तपुरपोस्ट संवाददाता भक्तपुर, ९ साउन २०८०
भक्तपुर, ९ साउन २०८०भक्तपुरको सूर्यविनायक नगरपालिका-२ बालकोटबाट नियन्त्रित लागूऔषध सहित रविन्द्र तामाङ्ग पक्राउ परेका छन् । सिन्धुपाल्चोक लिसङ्खुपाखर गाँउपालिका-५ घर भई हाल काठमाडौं बौद्ध बस्ने ३३ रविन्द्र तामाङलाई सोमबार राति प्रहरीले पक्राउ गरेको हो ।
प्रहरी प्रभाग बालकोटबाट खटिएको प्रहरीले जाँच गर्ने क्रममा उनको साथमा लागूऔषध फेला परेपछिं पक्राउ गरिएको प्रहरी परिसर भक्तपुरका डिएसपी दिपक गिरीले जानकारी दिए । डिएसपी गिरीले जानकारी दिए अनुसार तामाङ्ग लाई नाइट्राभेट १ सय ४९ ट्याब्लेट, डाइजेपाम ३ सय ९५ पीस, नुरफिन ६३ पीस र मोबाइल २ थानसहित नियन्त्रणमा लिइएको छ ।
लागू औषध कसरोबारीको जालो समात्न र कारवाहीका लागि थप अनुसन्धान भैरहेको प्रहरीको भनाइ छ ।