भक्तपुर नगरपालिका- १० कमलबिनायकको लान्चाफल्चा नजिक रहेको नबिल बैंकको एटीएम बाट पैसा चोरी गर्न खोजेको आरोपमा एकजना पक्राउ परेका छन् । एटीएम मेसिन तोडफोड गरी चोरी गर्न खोज्दै गरेको अबस्थामा प्रहरीले गएराति एकजनालाई पक्राउ गरेको हो ।                                                                                                                              पक्राउ पर्नेमा दाङ बबई गाँउपालिका वडा नं. २ बस्ने बर्ष २४ को पूर्णबहादुर खासु रहेका छन् । जगाती बृत्तबाट गस्तीमा रहेका प्रहरीले उनलाई नियन्त्रणमा लिई शरिर खानतलासी गर्दा निजको साथबाट १ थान मार्तल, १ थान फलामको रड र १ थान ह्याक्सोसमेत बरामद डिएसपी राजकुमार श्रेष्ठले पुष्टि  गरेका छन् । राति करिब पौने ३ बजे भक्तपुर चोरीको प्रयास गर्दै गर्दा उनीहरुलाई वृत्त जगाती भक्तपुरबाट खटिएको प्रहरी टोलीले पक्राउ गरेको उनले प्रष्ट पारे ।  चोरीको आरोपमा पक्राउ परेका खासुलाई जगाती बृत्तमा राखिएको छ र सो सम्बन्धमा थप अनुसन्धान कार्य भइरहेको प्रहरीको भनाइ छ  ।