भक्तपुरपोष्ट संवाददाताभक्तपुर, ३ माघ २०८०
भक्तपुर, ३ माघ २०८०घुस रकम सहित छिमेकी जिल्ला काभ्रेपलान्चोकका एक वडाध्यक्ष भक्तपुरमा पक्राउ परेका छन् । अख्तियार दुरुपयोग अनुसन्धान आयोगले बुधबार उनलाई मध्यपुर ठिमीबाट पक्राउ गरेको हो ।
पक्राउ पर्नेमा बनेपा नगरपालिका-९ का वडाध्यक्ष नृपेश बादे रहेका छन् । अख्तियारले स्टिङ अपरेसन गरी उनलाई १५ लाख रुपैयाँ घुस रकम सहित रङ्गेहात पक्राउ गरेको हो । उनी सवार कार र कार चालक समेत अख्तियारको नियन्त्रणमा रहेका छन् । अख्तियारले मुचुल्का उठाइ उनीहरुलाई घुस रकम सहित नियन्त्रणमा लिएर थप अनुसन्धान अघि बढाएको बताइएको छ ।
वडाध्यक्ष वादेले घर बाटो सिफारिस गर्ने प्रयोजनका लागि रु १५ लाख घुस लिएको अख्तियारको आरोप छ ।