बिस्फोटक पदार्थको खरिदबिक्रीमा बन्देज रहेपनि पछिल्लो समय बिबाहको अवसरमा पटाका र आतसबाजीको प्रयोग बढेको छ । बिबाहका अवसरमा पड्काइने पटाका र आतसबाजीका कारण भक्तपुरमा आगलागीको जोखिम समेत बढेको गुनासो बढ्दै गएको छ ।                                                                                                   बुधवार भक्तपुर नगरपालिका वडा नम्बर ९ का वडाध्यक्ष रविन्द्र ज्याख्वले सामाजिक संजालबाटै यस्तो जोखिमबारे सार्वजनिक मात्र गरेनन्, क्षणिक रमाइलोको नाममा कसैको घर जल्ने र विश्व सम्पदा नष्ट हुने खतरा स्वीकार्य नहुने चेतावनी समेत दिएका छन् ।                                                                                                               श्रोतका अनुसार बुधवार दत्तात्रय क्षेत्रमा जन्ती पक्षले पटाका पड्काउदा नजिकैको परालको थुप्रोमा आगो लागेपछि वडाध्यक्ष आक्रोशित भएका हुन् । स्थानीयले समयमै आगो निभाउन सकेका कारण सम्भावित ठुलो क्षती टरेको बताइएको छ । रमाइलोका लागि पड्काइएको पटाकाले बुधवार केहीबेर दत्तात्रय क्षेत्र तनावग्रस्त बन्न पुगेको एक प्रत्यक्षदर्शीले बताएका छन् ।