भक्तपुर, २९ बैशाख २०८१नेपाल पत्रकार महासंघ जिल्ला शाखा भक्तपुरका कार्यसमिति सदस्य रामगोपाल तमखुलाई पितृशोक परेको छ । मातृशोक परेको ७ महिनामै उनलाई अर्को बज्रपात परेको हो ।
उनका पिता रामप्रसाद तमखुको गएराति निधन भएको थियो । ८० वर्षीय रामप्रसादको उपचारको क्रममा शुक्रबार राति शहिद गंगालाल ह्रदय रोग निवारण केन्द्रमा निधन भएको पारिवारिक श्रोतले जनाएको हो ।
शनिबार बिहान उनको पार्थिव शरीरलाई चुपींघाट पुर्याइ अन्त्येष्टि समेत सम्पन्न गरिएको पारिवारिक श्रोतले जानकारी गराएको छ । रामप्रसाद उच्च रक्तचाप, मधुमेह र मुटुसम्बन्धी रोगले ग्रसित थिए ।
नेपाल पत्रकार महासंघ जिल्ला शाखा भक्तपुरले एक शोक बक्तब्य जारी गर्दै कार्यसमिति सदस्य रामगोपाल तमखुको पिताको निधनप्रति गहिरो दु:ख ब्यक्त गरेको छ । शाखाले पत्रकार तमखुका पिता प्रति भावपूर्ण श्रद्धाञ्जली अर्पण गर्दै तमखु लगायत शोक सन्तप्त परिवारजनमा समवेदना ब्यक्त गरेको अध्यक्ष जगत कृष्ण प्रजापतिले जनाएका छन् ।
