भक्तपुर, ३ जेठ २०८१नेकपा एमाले दोलखाका एक नेता फरार भएका छन् । एक युवतीले प्रहरीमा जबरजस्ती करणीको जाहेरी दिएपछि उनी फरार भएका हुन्।
उनी भक्तपुरको सूर्यविनायक-२ बालकोट बस्दै आएका थिए भने मध्यपुर थिमीको गठ्ठाघरमा निर्माण कम्पनी खडा गरी ठेक्कापट्टा व्यवसायमा समेत सक्रिय रहेका थिए ।
प्रहरी वृत्त दरबारमार्गमा युवतीले जबरजस्ती करणीको जाहेरी दिएकाले प्रहरीले उनको खोजी गरिरहेको छ ।
जिल्ला प्रहरी परिसर काठमाडौंका प्रमुख रहेका प्रहरी वरिष्ठ उपरीक्षक वसन्त रजौरेले जबरजस्ती करणीको जाहेरी परेको र अभियुक्त हाल फरार रहेका पुष्टि गरेका छन् ।
‘एक जना युवतीले जबरजस्ती करणी गरेको जाहेरी दिनुभएपछि अनुसन्धानका लागि खोजी गर्दा उहाँ फेला पर्नुभएको छैन।’ एसएसपी रजौरेले भने ।
जिल्लास्तरीय राजनीतिमा संलग्न अभियुक्त ठेक्कापट्टाका साथै मिटरब्याजको कारोबारमा समेत संलग्न व्यक्ति रहेका बताइएको छ ।
(अनुसन्धान नभई सकेकाले अभियुक्तको नाम गोप्य राखिएको छ ।)