![](https://bhaktapurpost.com/wp-content/themes/onlineparda/images/1px.gif)
प्रेस सेन्टर नेपाल भक्तपुरका कोषाध्यक्ष, नेपाल पत्रकार महासंघ जिल्ला शाखा भक्तपुरका सदस्य एवं जनगर्जन पत्रिकाका पत्रकार निराजन सिलवाललाई पितृशोक परेको छ । उनका पिता विष्णुराज सिलवालको उपचारको क्रममा असामयिक निधन भएको हो ।
फोक्सो सम्बन्धी समस्याको उपचारको क्रममा भक्तपुर अस्पतालमा बुधवार बिहान करिब सवा १० बजेको समयमा विष्णुराजको ज्यान गएको पारिवारिक श्रोतले जनाएको छ । उनको पार्थिव शरीरलाई पशुपतिस्थित आर्यघाट पुर्याई दिउँसो नै अन्तिम संस्कार समेत सम्पन्न गरिएको बताइएको छ ।
भक्तपुर-१ नपलि निवासी ६४ वर्षीय विष्णुराजका श्रीमती, १ छोरा र १ छोरी छन् । नेपाल पत्रकार महासंघ भक्तपुर र प्रेस सेन्टर भक्तपुरले शोक बिज्ञप्ति जारी गर्दै बिष्णुराजको असामयिक निधनप्रति दु:ख व्यक्त गरेका छन् ।