भक्तपुरपोस्ट संवाददाताभक्तपुर, २१ साउन २०८१
भक्तपुर, २१ साउन २०८१भक्तपुरमा एकाबिहानै यात्रुबाहक बस दुर्घटना भएको छ । सोमबार बिहान सवा ७ बजेको समयमा डा इवामुरा स्मृति अस्पताल नजिकै बस दुर्घटना हुँदा ७ यात्रु घाइते भएका छन् ।
दुधपाटीबाट सल्लाघारी तर्फ आउदै गर्दा बा ३ ख ९३२५ नम्बरको बस दुर्घटनामा परेको प्रहरीले पुष्टि गरेको छ । तीब्र गतिका कारण बस अनियन्त्रित भइ दुर्घटना भएको प्रत्यक्षदर्शीले भक्तपुर पोस्टलाई बताएका छन् । अनियन्त्रित भएको बस सडक छेउको रेलिङमा ठाोक्किएको थियो ।
घाइते ६ जनाको डा इवामुरा स्मृति अस्पतालमा उपचार भैरहेको प्रहरीको भनाइ छ । एक जनालाई मध्यपुर थिमि अस्पतालमा रिफर गरि पठाइएको बताइएको छ ।
चालक नगरकोटका २६ वर्षीय मनिष तामाङ प्रहरी परिसर भक्तपुरको नियन्त्रणमा रहेका र आवश्यक अनुसन्धान भैरहेको प्रहरीको भनाइ छ ।
