मध्यपुर थिमि, ३० साउन २०८१पत्रकार एवं समाजसेवी रत्नकृष्ण श्रेष्ठले नेपाल रेड्क्रस सोसाइटी मध्यपुर थिमि उपशाखाको भवन निर्माणार्थ ब्यक्तिगत तर्फबाट रु २५ हजार सहयोग गरेका छन् । उपशाखाको २७ औं स्थापना दिवसका अवसरमा मंगलवार आयोजित कार्यक्रममा उनले सो सहयोग हस्तान्तरण गरेका हुन् ।
उपशाखाका सभापति बाबुकाजी साछे श्रेष्ठलाई चेक हस्तान्तरण गर्दै पत्रकार रत्नकृष्णले सामाजिक सेवाको उत्कृष्ट संस्थाका लागि आफूले सहयोग गर्न पाउँदा सन्तोष व्यक्त गरे । उपशाखाका सभापति श्रेष्ठको लगनशीलता र क्रियाशीलताका कारण पनि आफू सहयोगका लागि प्रेरित भएको उनले प्रष्ट पारे ।
मध्यपुर थिमि निवासी पत्रकार रत्नकृष्ण श्रेष्ठ प्रेस सेन्टर नेपालको रासस शाखाका अध्यक्ष, नेपाल पत्रकार महासंघ उपत्यका प्रदेश समितिको कार्यसमिति सदस्य, भक्तपुर शाखाका सदस्य एवं वरिष्ठ फोटो पत्रकार हुन् ।
सो अवसरमा कार्यक्रमका प्रमुख अतिथि रहेका मध्यपुर थिमि नगरपालिकाका मेयर सुरेन्द्र श्रेष्ठ र उपमेयर बिजयकृष्ण श्रेष्ठले उपशाखाको भवन यसै वर्ष बन्ने विषयमा आश्वस्त पारेका छन् । नेपाल रेड्क्रस सोसाइटी मध्यपुर थिमि उपशाखाको भवन बनाउन जग्गा उपलब्ध भैसकेको र नगरपालिकाले यो वर्ष रु ३० लाख बिनियोजन समेत गरिदिएको उनीहरुले जानकारी गराए ।
पत्रकार रत्नकृष्ण जस्ता सहयोगी दाताहरुको कारण भवन निर्माण सहजै सम्पन्न हुने बिस्वास पैदा भएको उनीहरुको भनाइ छ ।