भक्तपुरमा टिपरले साइकललाई ठक्कर दिँदा साइकल यात्रीको ज्यान गएको छ । ज्यान गुमाउनेमा भनपा-८ च्यामासिंहका ६५ वर्षीय आशानाराँ कोजू रहेका छन् ।

शुक्रवार दिउँसो करिब १ बजेको समयमा भनपा-९ तुमचाे दुगुरे सडकखण्डमा भत्क्यापाटीबाट च्यामासिंहतर्फ आउँदै गरेको बा ४ ख ४९३१ नम्बरको टिप्परले सोही दिशा तर्फ आउँदै गरेको साइकललाई ठक्कर दिँदा उनी गम्भीर घाइते भएका थिए ।

कोजूलाई ख्वप: अस्पतालले करिब साढे १ बजे मृत घोषणा गरेको थियो । टिपर चालक सिन्धुपाल्चोक मेलम्ची- ९ भई हाल भनपामै अस्थायी बसाेबास गर्ने बर्ष ३३ को अमीर तामाङ प्रहरी बृत्त जगातीको नियन्त्रणमा रहेका छन् ।

थप अनुसन्धान भैरहेको बृत्त प्रमुख डिएसपी दिप्ती कार्कीले बताएकी छन् ।