भक्तपुरपोस्ट संवाददाताभक्तपुर, ९ असोज २०८१
भक्तपुर, ९ असोज २०८१जिल्ला प्रहरी परिसर भक्तपुको प्रमुख परिवर्तन गरिएको छ । विभिन्न जिल्लामा नेतृत्व परिवर्तन गरेको नेपाल प्रहरीले भक्तपुर प्रमुख पनि परिवर्तन गरेको हो ।
जिल्ला प्रहरी परिसर भक्तपुका प्रमुख रहेका एसपी बेद बिष्टको प्रहरी प्रशिक्षण प्रतिस्ठान महाराजगन्ज सरुवा भएको छ । भक्तपुर प्रमुखमा भने लुम्बिनी प्रदेश प्रहरी गणबाट एसपी माधवप्रसाद बुढाथोकीलाई जिम्मेवारी दिइएको प्रहरी प्रधान कार्यालयले जनाएको छ ।
प्रहरी प्रधान कार्यालयले ४१ प्रहरी उपरीक्षक (एसपी) र १ सय ४३ प्रहरी नायव उपरीक्षक (डीएसपी) को सरुवा गर्दा अवधी पुगेको आधारमा भक्तपुरका एसपीको पनि सरुवा गरेको हो । जिल्ला प्रहरी प्रमुख सामान्यतया: १ वर्ष पुगेपछि सरुवा हुने प्रचलन रहेको छ ।