भक्तपुर, १६ मङ्सिर २०८१भक्तपुर जिल्लामा अझै १ सय ५१ एचआईभी एड्स संक्रमित रहेका स्वास्थ्य कार्यालय भक्तपुरले जनाएको छ । संक्रमित सबैले नियमित औषधि सेवन गरिरहेका कार्यालय प्रमुख शान्तिराम खतिवडाले बताएका छन् ।
३७ औँ विश्व एड्स दिवसको अवसरमा आइतवार राधेराधेमा दिप प्रज्ज्वलन कार्यक्रममा कार्यालय प्रमुख खतिवडाले एचआईभी एड्स रोग नलुकाई उपचार गर्न आग्रह पनि गरे । एड्स रोग पनि अन्य रोगहरु जस्तै सामान्य रोग बन्दै गएको बताउँदैं उनले रोगविरुद्ध जित हासिल गर्न मनोवल उच्च राखी उपचार प्रक्रियामा सामेल हुनुपर्नेमा जोड दिए । “सुरुमा रोग लाग्नै नदिनेतर्फ सचेत हुने र रोग लागिसकेको भए उपचार गरेर मनोबल उच्च बनाउने गर्नुपर्छ ।” उनले भने ।
कार्यक्रममा नर्सिङ अफिसर रुपा प्याठले एचआईभी एड्सका तथ्यांकहरु पेश गर्दै नेपाल, एसिया प्रसान्त क्षेत्र र विश्वमै यो रोगको अवस्थाको बारेमा गराएकी थिइन् । तथ्यांक अनुसार नेपालमा हरेक दिन एक जना एचआईभी संक्रमित हुने गरेका छन् । सन् २०२३ को अन्त्यसम्म नेपालमा ३० हजार बताए व्यक्तिहरुमा एचआईभी संक्रमण भएको बताइएको छ ।