नेपाल भाषाका प्रसिद्ध कवि एवं भक्तपुरका पुराना बामपन्थी नेता त्रिरत्न शाक्यको निधन भएको छ । ७४ वर्षिय शाक्यको बुधबार राति हृदयघातका कारण निधन भएकाे हो ।

शाक्यको पार्थिव शरीरलाई शुक्रबार अपराह्न सूर्यविनायकस्थित उनको निवास हुँदै भक्तपुर नगर परिक्रमा गराई अन्तिम श्रद्धाञ्जली अर्पण गरिएको थियो । आजै उनको अन्त्येष्टि समेत गरिएको छ ।

युद्धप्रसाद मिश्र स्मृति प्रतिष्ठानका संस्थापक अध्यक्ष, नेपाल भाषा विराट साहित्य गुथिका पनि पूर्व अध्यक्ष शाक्य जातीय तथा भाषिक अधिकार आन्दोलनका अथक योद्धा थिए ।

उनका ‘न्ह्योलं पाचिने मफुगु विश्वास’, ‘जङ्ग बहादुरया सल’, ‘इ व जि’ लगायत काव्यकृतिहरू प्रकाशित छन् ।